- 266 -
1371 (9. stycznia) Wrocław.
Karol IV. Luksemburski, cesarz rzymski (niemiecki), król Czech etc. oświadcza burmistrzowi oraz obywatelom miasta Wrocław, po otrzymaniu sprawozdań finansowych dotyczących przychodów i rozchodów z dochodów na jego terytoriach Wrocław, Środa Śląska, Złotoryja i Namysłów, że są oni nadal mu winni kwotę 1.850 grzywien praskich groszy polskiej miary, jak również siedemset grzywien, jakie przekazano wrocławskiemu biskupowi Przecławowi z PogorzeliPor. dok. nr 263 etc.
— Wir Karl, von gotes gnadin romischer keiser, czu allen czeiten merer des richs vnd kunig czu Behem, bekennen vnd tun kunt offenlich mit disem brieffe allen den, die in sehen odir horent lezen, das der burgeimeister, der rate vnd die burger gemeynlich der stat czu Bretslaw, vnsere lieben getruwen, vns rechtlich vnd redlich berechent haben alle gulde, czinse vnd gelde, die sie von vnsern wegen von den landen vnd steten Bretslaw, NevnmarkteŚroda Śląska, GoltpergeZłotoryja vnd NampslowNamysłów vnd allen iren czugehorungen ufgehebt vnd innegehabt haben bis uf den aschtag, der schirist kumpt, vnd dorumb so sagen wir fur vns, vnsere erben vnd nachkomen kunge czu Behem dieselben vnsere burgere der vorgenanten gulde, czinse vnd gelde aller sache quyt, ledig vnd loz, vnd uber alle dieselben gulde, czinse vnd gelde so sein wir denselben vnsirn burgern schuldig achczehen hundirt mark vnd fumfczig mark pregischer grozzen polonischer czal, vnd in denselben achczehenhundirt vnd fumfczig marken ligen ouch die sybenhundirt mark der selben grozzen vnd czal, die sie fur seliger gedechtnuzze etwenn den hochgeborn Bolken, herczogen czur Swydniczze Świdnicy, vnsern lieben swager, dem erwirdigen Preczlawen, bischoff czu Bretslaw, vnsenn fursten, ratgeben vnd lieben andechtigen, vorrichten vnd beczalen. Mit vrkund dicz briefs vorsigelt mit vnserm anhangenden ingesigele.
Geben czu Bretslaw noch crists geburde dreyczehenhundirt iar dornach in dem aynvndsybenczigstem (!) iare an dem donerstag noch dem obersten tag vnserre reiche in dem fumfvndczwenzigstem (!) vnd des keisertums in dem sechczehenden iare.
R. Johannes Saxo.
ad relacionem d. de Coldicz
P. Jaurensis.